Seba ke hêzê ke Zînî Wertê de ameyî cakerdene peyser agêrê û problemî bi dîyalogî bêrê çareserkerdene rayraşîyayîşêk ame organîzkerdene. Nuştox, roşnvîr, peşmerge, parlamenter û sîyasetmedarî zî tede xeylêk kesî Silêmanî, Halepçe, herêma Raberîn û Bînare Qendîlî ra verê xo da Zînî Wertê û la asayîşî dewstûr înan nêda.

Naye ser o nuqtaya kontrolî ya Qemteryanî de derheqê babete eşkerayîyêke daye . Aktîvîst Dîlşad Mîranî vera  astengkerdişî hêrsê xo ard ziwan û vat: ''Ma semedê mesajê haştîye  û waştişê kurdan bi seyan kîlometreyan ra heta tîya ameyî la vernîya ameye girewtene. Reyna destûr nêdîya mayanê şehîdan zî. Waştişê ma oyo ke hêzê ke Zînê Wertê de ameyî cakerdene wa peyser biancîyê û hukmatê Îraqî destûr nêdo Tirkîya herra înan bikewo.''

Eşkerayîye de nê ameyî vatene:'' Ma bi waştişê şarê xo semedê haştîye, huzur, yewîya kurdan, pawitişê destkewteyanê kurdan, pûçvetişê plananê îşxalkeran, hewnakerdişê adirê pêkewtişê zereyî û pawitişê herra Kurdîtanî ameyî tîya. No îşkalo semedê kurdan tehlukeyo gird o. No planê dişmenê îşxalkeranê Kurdîstanî yo û ke ma qetî ganî vera ci vejîyê. Ma venga heme hêzan danê ke seba ke pêkewitşî meqewimîyê wa biancê pozîsyonanê xo yê verînan.''