Fermandara Qerargehê Merkezî ya YJA-Starî Zozane Çewlik ANFyî rê şerê vera artêşa tirke ya îşxalkere yê 2022yî ercna.

Qiseykerdişê Zozane Çewlik ra tay beşê girîngî wina yê:

''Şerê 2022yî şerêko normal nêbi. Artêşa tirke pê pêro metodanê gemarinan hêrişê ma kerd. Ma zî nê kerdişî tim belge kerdî. Serra 2022yî de şexsê şerwananê YJA-Starî de asta Zîlanbîyayîşî resaye aste tewr berze. Gerîlayanê YJA-Starî şerê emserînî de şerê tunelan de û şerê erazî de taktîk û metodê afernayoxî ardî ca. Tunelan de gerîlayanê ma vera çekanê kîmyewîyan û bombayanê nukleran îradeyêko bêhempa mojna. Reyna tarîxê ma de reya verêne gerîlayan erazî de singe bi singe şer kerd. Reyna asta hêzê cinîyan ê profesyonelî çalakîyan de xo eşkera kerd. Bi taybetî branşanê suîkast û sabotajî de hêzanê ma serkewtişêko pîl vist dest. Ma eşkenê vajê ke YJA-Starî 2022 de mîsyonê xo yê serkêşîye bi hawayêkê başî ardo ca.

2022 de tarîxê 30 serranê YJA-Starî de reya verêne hende zaf çalakîyî ameyî kerdene. Bîlançoya ma ya şerê 2022yî zî raştîyan eşkera keno. Bîlançoya ma ya 2022yî wina ya:

-121 şerwanê ma şehîd bîyî. Şertanê girananê şerî ra rewşa 13 embazanê ma zî hema nêameye dîyarkerdene.

-YJA-Starî 363 çalakîyê xoserî kerdî.

-Nê çalakîyan de 485 îşxalkerî û 4 kontrayî ameyî cezakerdene, 52 faşîstî zî birîndar bîyî.

-3 helîkopterî ameyî îmhakerdene, 3 helîkopterî ameyî derbkerdene.

-11 droneyî ameyî îmhakerdene û droneyêk ame derbkerdene.

-6 wesayîtê zirxînî ameyî îmhakerdene, 3 kepçeyî ameyî îmhakerdene.

-13 mobeseyî, kamerayêke, 2 kamerayê termalî, sensorêk û sîstemêkê radarî ameyî îmhakerdene, mobesseyêke ameye derbkerdene.

-29 çeperî ameyî îmhakerdene, 3 çeperî ameyî pirodayene, 2 xeymî ameyî îmhakerdene.

-Çekêka A-4î ameye îmhakerdene.

-Netîceya çalakîyan de dest nîya 5 çekanê MPT 55, 2 rextan, 2 telefonan, debancayêke û 2 şarjoran, fenerêk, kamerayêka sereyî, çanteyêk, 3 dûrbînan, cîhazêkê lazerî ser.

-Beşê branşî de tewr zaf çalakîyê suîkastî ameyî kerdene. Sekbananê YJA-Starî 203 çalakîyê xoserî, 51 çalakîyê sabotajî, 95 çalakîyê bi çekanê giranan, 10 çalakîyê hêrişî, 14 çalakîyê bi çekanê nêm-otomatîkan, 5 çalakîyê derbkerdişî û 1 çalakîya sereştişî kerde.

Zap û Metîna de hêrişî dewam kenê la vera înan xoverdayîşê gerîlayan zî dewam kenê. Şerê 2022yî mojneno ke şerê 2023yî do bibo giranêr. Çunke îqtîdarê AKPyî wazeno serra 100. ya Lozanî de gerîlayan tasfîye bikero û parçekerdişê Kurdîstanî mende bikero. La gerîlayî do rayîr nêdê nê planî.

Seke zanîyeno artêşa îşxalkere Şehîd Xursî de 11 embazê ma bi çekanê kîmyewîyan qetil kerdî. Îqtîdarî zî hêrişê vera DBP û HDPyî zêdînayî. Reyna Fransa de embaza ma Evîne Goyî, Mîr Perwer û Abdurrahman Kizil ameyî qetilkerdene. Nê pêro hêrişê dewleta tirke nîşan kenê ke 2023 de hêrişî do bizêdîyê.

La ma do 2023 de hîna bi xurtî xo ver bidê, Şerê Şarî yê Şorişgêrî berzêr bikerê, performanê xo yê Zap, Avaşîn û Metîna xurtêr bikerê. Hêzê ma yo tewr pîl hêrsê ma yê vera tecrîdê serê Rayberîye, qirkerdişê cinîyan, şuxilnayîşê çekanê kîmyewîyan û bombayanê nukleran o. Ma do serran 2023yî bi şîarê 'Jin, Jiyan, Azadî' bikerê serra xoverdayîşê topyekûnî û serra girewtişê qesasî. Ma do heta ke AKP-MHP biqedo şer bikerê. Ma do 2023 de pêro faşîst, xayîn û ajanan ra hesab bipersê. Ma do bikerê ke cinî, ciwan, hêzê şorişgêr û demokratîkî tewrê nê şerî bibê. Ma pêro embazan rê serra 2023yî de serkewtiş wazenê.''