Zûrê şerî, lapatê gerîlayan

Her ke çalakîyê gerîlayan dewam kenê dewleta tirke zî gêrena ke şarî manîpule bikera û pê zûran bixapîna. Çalakîyî çend pîl bibê zî dewlete pê zûran wazena serê ci bigêra.

Destpekê têkoşînê gerîlayan ra nata dewleta tirke tim vana 'Ma gerîlayî qedînayî.' Her ke çalakîyê gerîlayan dewam kenê dewleta tirke zî gêrena ke şarî manîpule bikera û pê zûran bixapîna. Çalakîyî çend pîl bibê zî dewlete pê zûran wazena serê ci bigêra. Çalakîyanê gerîlayan ra dima selahîyetdarê dewlete vanê '400-500 gerîlayan bi hawayêkê xayînî hêriş kerd.'  Bi nê hawayî wina mojnenê ke seke çalakîyêke nêameye kerdene yan zî pê zûran serkewtişê çalakîye mîyan bikerê. La destê gerîlayan de vera nê zûran dîmenê çalakîyan, dokumentî estê ke raştîye eşkera kenê. Ma pê nê dokumentan xîret kenê raştîyanê şerê gerîlayan û zûranê dewlete bimojnê.

4ê gulana 2019î de saete 14.10 de gerîlayî erzenê qereqolê Bêzokî yê Şemzînanî ser û mesafeyêka nêzdî ra danê qereqolî ro. No qereqol herêma Barzanî de yo ke her cayê na herême de gir û qereqolî estê. Gerîlayî bi hawayêkê rehetî gir de têgêrenê, kewenê mewzîyan û dest nanê çekanê gerîlayan ser. Dîmenanê çalakîye de meyîtê leşkeran asenê.

HPG derheqê çalakîye de nê agahîyan dano: ''Pê kewtişê mîyanê baregehî netîceya çalakîye de 3 mewzîyê dişmenî kewtî destê ma. Hêzanê ma 7 cenazayanê dişmenan ra çekî girewtî û goreyê tesbîtan na çalakîye de 7 leşkerê bînî zî birîndar bîyî. Netîceya na çalakîye de hêzanê ma dest na 5 çekanê şexsîyan ê G4î, tifingê otomatîkî yê BKCyî, 1 rexê G-3î, 1 zîncîrê BKCyî û 1 kaskê leşkerî ser.''

La Wezîrîya Pawitişî derheqê çalakîye de zûrî kerdî û vat: ''Ewro terorîstan vakurê Iraqî ra hawanî eştî baregehê ma ser, 3 embazê ma yê çêrî şehîd bîyî, yew embazê ma zî birîndar bîyo.'' Eşkerayîye ra dima selahîyetdarî vanê leşkero birîndar zî merdo û hûmara kişteyan bîya 4. Walîyê Colemêrgî zî tewrê nê zûran beno.

Pê nê qiseyan ê wazenê gerîlayan sey qelsî bimojnê. Coka vanê 'Dûrî ra hawanan erzenê. Nêeşkenê vejîyê verê leşkeran. Hêzê înan nêmendo. Ma paştîya terorî şiknaye.'' La eşkerayîyê HPGyî û dîmenê Gerîla TVyî pêro raştîyan eşkera kenê.

Çalakîye ra dima ê zûranê xo rê dewam kenê û vanê: ''Nê serebûtî ra dima çarçewa heqê pawitişê meşrûyî de hetê wesayîtanê ma ra warê înan dîyayî bombayan ver, pê destekê hewayî herême de operasyono leşkerî dîya destpêkerdene.''

Her çiqas ê wwazenê pê zûran serê çalakîye bigêrê zî rewşe xeylêk cîya ya.  HPGyî derheqê peyê çalakîye de na eşkerayîye daye: ''Na çalakîye ra dima artêşa tirke ya îşxalkera ke derbê giranî wetî warê çalakîye û dewanê Sîrvan û Helanî ser o bombayî varnayî. Dima înan waşt ke debikewê erazî û cigêrayîş bikerê. O çax zî hêzanê ma vera yewina dişmenî pê taktîkê sabotajî çalakîyêke kerde.''

Gerîlayî nêverdena leşkeran derbazê erazî bibê zî la zûrê 'ma qesasê ci gênê, peyê înan de yê' dewam kenê. Her çiqa ê xîret kenê ke binkewtişê xo mîyan bikerê lapatê gerîlayan pêro zûran eşkera keno.