Qamişloyij Kamuran Mehdî yo ke wextê Serhildanê Qamişloyî de Başûrê Kurdîstanî de bi ANFyî ra qala ê rojan kerde.

Medîyî vat: ''Seba ke sînor ame qefilnayene ma nêeşkayêne agêrê Rojawan. Rojanê verênan ê serhildanî de ez Rojawan de nêbîya. Şarê Başûrî zaf qehrayêne, vera qefilnayîşî sînorî vejîyayêne û waştêne paştî bido şarê Rojawanî. Bitaybetî vera rejîmê BAASî unîversîteyan ra nêrazîbîyayîşî vejîyayî werte. Hukmatê Başûrê Kurdîstanî vera rejîmê BAASî nêerazîbîyayîş çînê bi.  Şarî waştêne sere wedar o la hukmatî destûr nêdayêne. PDKyî destûr nêda şarê Başûr paştî bido şarê Rojawanî.''

Mehdî ard ziwan ke o çar rojî badê Qirkerdişê 12ê Adare ravêrto Rojawanê Kurdîstanî û nê vatî:  ''Gama ke ez şîya Rojawan rewşa îstîsnayî bibe. Dewlete her ca ra vila bibî.  Nuqtayê kontrolî ameybî ronayene.  Keyeyî ameyêne sereştene hema hema çewo ke nêameyo destbendkerdene nêmendbi. Bi desan kesan dinyaya xo bedilnayêbî. Zîndanî ameybî pirrkerdene. Teberê PYDyî de heme partîyan waşt wa Newroze nêro pîrozkerdene. Partîyanê kurdan teslîmbîyayîşê kurdan waştêne. Vatêne rejîmê BAASî do şima bikeşo û şar tersnayêne. Ma sey PYDyîjan û şaro ke ruhê ci yo şorişgêr esto ma vat şertî senî benê wa bibê ma do Newroza xo pîroz bikerê. Ma Meydanê Şehîd Xebatî yê taxa Hilêliyê de ameyî pêser. Prosesêko bitehluke bi. Dewlete bi hêrişanê plankerdeyan şiyênî şarî ser. Qirkerdiş û tepiştişî ameyêne kerdene.  La ma qerardar bê, ma çîyo ke kerd xo sere, ma o kerd. Ma vera dewlete sere wedartê û Newroze pîroz kerde. Şaro ke ame têhet bi saetan sloganî eştî, deyîrê şorişgêrî vatî. Ma Newroze vera rejîmê BAASî açarna serhildan.  Ruhê têkoşînê şorişgêrî newe ra ganî bi.''