Serrgêra 1ê Teşrîna Peyêne Roja Kobanê ya Dinya de şarê Kobanê vejîya meydanan. Bi seyan kobanijî Meydanê Jina Azad de kom bîyî û çalakîya rayraşîyayîşî kerde.

Verî Hemsereka Meclîsê Reqa Rîhabe El Nafî eşkerayîye wende. Eşkerayîye de gefê vera Kobanê ameyî vîrvistene û wina ame vatene ke pêro dinya deyndara Kobanê ya coka ganî paştî bidê xoverdayîşê Kobanê. Eşkerayîye de nê ameyî parekerdene: ''Tayînan bicoşî 'vatêne Kobanê kewt do bikewo' la YPG û YPJ pîya bi ciwananê enternasyonalîstan destûrê naye nêda. Kobanê bîye sembolê azadîye û demokrasîyî û destpêkerdişê binfînayîşê DAÎŞî. Coka Kobanê paytextê nê têkoşînî ya. Kobanê qederê şaranê Sûrîye sîstemêko raştî de nişna ro. Xeyrê xoverdayîşê Kobanê Girê Spî, Minbic, Reqa, Tebqa û Dêrazor zî çeteyanê DAÎŞî ra ameyî xelisnayene.''

Çalakîya rayraşîyayîşî ra dima nawnayîş ame kerdene.Hemsrekê Meclîsê Kantonê Kobanê Mistefa Êtoyî ke tîya qisey kerd Kobanê sey kelaya xoverdayîşî name kerd û vat ê do têkoşînî rê dewam bikerê. Hemserekê Meclîsê Sîvîlî yê Reqa Şex Mihemed Nûr El-Zêbî zî serkewtişê Rojawanî vistî vîrî û vat ê do sey şaranê Sûrîye pêro pîya vera dişmenan xover bidê. Endama Koordînasyonê Kongreya starî Felek Yusuf zî nawnayîş de qisey kerd û vat: ''Şoreşo ke pêr şoreşê cinîyan şinasîyeno heta ewroyî pê xoverdayîş û têkoşînê cinîyan dewam keno.''

Qiseykerdişan ra dima hunermend Muradê Hemzo vejîya sehne ser.