Amed de ekolojîst, citkar, wendekar, rojnameger, temsîlkarê partîyan û rêxistinanê komelê sivîlî Salona Konferansî ya Tahîr Elçîyî ya Baroyê Amedî de ameyî têhet û înan ronîyayîşê Meclîsê Ekolojî yê Amedî îlan kerd.

Îlankerdiş de hêverî Endamê Komeleya Ekolojî ya Amedî Necdet Sezgînî qisey kerd û vat: ‘’Ma do nê meclîsî de çareserîya meseleyanê ekolojîkan safî bikerê. Rojhelatê Mîyanênî de şer est o. Ma sey Meclîsê Ekolojî vera şerî yê.’’

Ekolojîst Yildirim Arslanî zî ard ziwan ke ê sîstemê Modernîteya Demokratîke pawenê.

Dima bultena Meclîsê Ekolojî hetê aktîvîste Semra Dagdelen ra ameye wendene û ronîyayîşê meclîsî ame îlankerdene.