Fermandarîya PÊroyî ya Meclîsê Leşkerî yê Minbicî bîlançoya şerî ya hîrê rojan eşkera kerde. Meclîsê Leşkerî yê Minbicî pare kerd ke hêrişê dewleta tirke û cerganê SMOyî yê vera Tişrîn û Qerekozakî ameyê şiknayene.

Bîlanço wina ya:

''Hêzanê Meclîsê Leşkerî yê Minbicî vera hêrişanê serê Awbendê Tişrînî û Pirdê Qerekozakî xoverdayîşêko qehremanwarî kerd. Hêzanê ma hêrişî şiknayî û cergî neçare mendî ke xo apey biancê.

Dima ke rejîmê Baasî rijîya cerganê dewleta tirke bi çekanê giranan hêriş kerd. Dewleta tirke bi wesayîtanê hewayî hêrişê Tişrîn û Qerekozakî kerd. Netîceya cewabanê hêzanê ma de pêkewtişê giranî qewimîyayî.

Dewleta tirke hewayî ra paştî daye cergan, Awbendê Tişrînî da bombayan ver û netîceya ney de zeraro madî qewimîya. Hêzanê ma pêkewtişan de derbê giranî dayî artêşa îşxalkere ro. Şerwananê ma serkêşîya YPJyî de şer kerd û bi xoverdayîşê xo planê îşxalkeran pûç kerdî. Dewleta tirke xora plan kerdêne ke pirdî bivisna destî û vera şaranê Sûrîye tîya sey şantajî bişuxilna.

Nê hîrê rojan de Tişrîn û Qerekozak de 13ê ci sercergî bi temamî 210 cergî kişîyayî û bi seyan cergî birîndar bîyî.

Tişrîn de 28 û Qerekozak de 39 wesayîtê leşkerî ameyî îmhakerdene. Tişrîn de 2, Qerekozak de 4 bi temamî 6 tankî ameyî îmhakerdene. 5 ÎHAyê kamîkaze ameyî warvistene.

Xoverdayîş de 8 şerwanê ma şehîd bîyî, 13 şerwanê ma birîndar bîyî.

Ma xoverdayîşê şerwananê xo selam kenê û verê şehîdanê xo de rîyê xo bi rêzî anê war. Ma soz danê ke seba menfaetanê şarê xo û şehîdanê xo yê qehremanan xoverdayîşî pîlêr bikerê.''