Zanîngehê Rojava semedê mezunîyetê 581 wendekaranê 2018, 2019, 2020 û 2021î şayîyêke stadê Kilasîkoyî yê Qamişloyî de kerde. Bi seyan wendekarî û keyeyê înan, temsîlkarê Îdareyê Xoserî yê Rojawanî, dezgehê komelê sivîlî û hêzê leşkerî beşdarê şayîye bîyî.

Hemserekê Zanîngehê Rojava Ebdulîlah El-Mistefayî şayîye de qisey kerd û vat: ''Wendekarê zanîngehanê Rojawanî komelî vurnenê, ked û gonîya şehîdanê ma nîşanê nê vurîyayîşî yê. ''

Hetkarê Hemserekîya Meclîsê Rayberdişî ya Rojawanî Cuzef Lehdoyî vat: ''Dişmenanê ma vatêne zanîngehê Îdareyê Xoserî do ser nêkewê la xêrê kadroyanê ma serkewtiş ame caardene.''

Vervatoxa Meclîsê Wendekaranê Zanîngehê Rojava Selwa Ebûd zî ard ziwan ke wendekarê înan pê mezunîyetî xo ver danê.

Dima 581 wendekarî, 24 wendekarê Akademîya Mezopotamya mezun bîyî. Wendekarê Fakulteyê Edebîyat û Zaninstanê Komelkîyan (Beşê Jineolojî, Edebîyatê Kurdî, Huner, Açarnayîş), Fakulteyê Muhendîsîya Zîretî, Fakulteyê Petrol û Petrokîmya, Fakulteyê Zanistanê Perwerdeyî mezun bîyî.

Dîplomayê wendekaran hetê temsîlkaran û mamostayanê înan ra dîyayî. Şayîye de wendekaran govende girewt, hunermend Osman Faris vejîya sehne ser. Peynî de wendekarî şîyî serê gorê Şehîd Delîl Sarûxanî.