4 çeteyê DAÎŞî Kampa Holê de hetê QSDyî ra tepişîyabî. Nînan sey hucreyanê DAÎŞî kampe de hêrişî kerdêne. Şefê hucreyî Mersûl Samî Muhammed Necîm (Ebû Velîd o). Mîyanê hucreyî de birayê ci Selam Samî Mûhammed, Husam Tala Feryad û Mervan Halîd Duleymî zî estê. 

Mersûl Samî Mûhammed Necîmo ke şefê Kampa Holê yê DAÎŞî bi ke înan fermanê çalakîyan Cerrah Ebu Omerî ra girewtî ke no çete hetê MÎTî ra amibi remnayene Girê Sipî û vat: ''Ey mi rê telefonêk peyda kerd, uja ra fermanî dayêne mi. Ey ma ra vatêne hedef kam o û birayê mi Ebû Hasanî zî kiştêne.''

Selam Samî Mûhammed (Ebû Hasan) nê îtîrafî kerdî: ''Şefê hucreyê mi kekê mi bi. Ma Cerrah ebû Omerî ra fermanî girewtêne, cinîyêke ra zî çeke girewtêne. Çalakîye ra dima ma reyna çeke dayêne a cinîye. Hedefî mi kiştêne. Mi çalakîyan de heta nika 2 kesî kiştî.''

Husam Tala Feryad (Ebû Îbrahîm): ''Ez pê rayîrê Ebû Cuneytî tewrê hucreyê Ebû Velîdî bîya. Ebû Velîdî mi ra waşt ke ez kampe de bomba bida şefêk. Mi qehweyan de agahîyî arê dayêne û berdene şefê ma.''

Mervan Halîd Duleymî (Ebû Cuneyt): ''Ma fermanî Ebû Velîdî ra girewtêne. Ma sey parke cayanê cîyayan de kombîyayîşî kerdêne. Ez tewra 3 hêrişî bîya. Mi keşf û teqîb kerdêne. Ma çeke, debance, kard û bombayî şuxilnayî. Mersûlî hêrişan ra verî çekî ardêne û dima apey berdêne dayêne cinîyêke.''