Çeteyanê Tirkî Efrîn de sîvîlêk qetil kerd

Dewleta Tirkî ya îşxalkare û çeteyanê ci Efrîn de Mihemed Îbrahîmo 50 serrî yo ke wayîrê 6 domanan o bi îşkenceyî qetil kerd.

Goreyê xebera ANHA’yî ya roja 14’ê Gulane Mihemed Îbrahîm (50) yê pîyê 6 domanan  dewa Xelîlalka ya qezaya Efrînî de wexto ke hêgayê xo de xebitîyêne hetê çeteyanê ra ame derbkerdene. Îbrahîmî rîyê derbanê çeteyan ra cuya xo kerde vîndî.

Hetê bînî ra herême ra xeberê remnayîşî yê sîvîlan yenê. Reyna goreyê xebera ANHA’yî Mihemed Ehbed Birîm (33), Abdo Mihemed (25) û Tahir Şahîn ê sîvîlî hetê çeteyanê ra ameyî remnayene. Ame zanayene ke çeteyan keyeyî ra fîdye waşto.