Çeteyê Heyet Tehrir El Şamî vizêr cemê şanî kewtî merkezê Helebî. Yewîya Ramitoxan a Tebqa vizêr semedê kesanê ke bajarî ra vejîyenê 60 otobusî şawit bî, ewro zî 50 otobusî şawitî. 19 otobusê ke wendekaran kirişenê Helebî ra kewî rayîr.

Selahîyetdaranê Otogarî yê Reqa ra Hesen El Xabûrî ard ziwan ke ê şarî bêpere kirişenê û vat Îdareyo Xoser seba ke şar bi hewayêkê bi asayîşî agero heme tedbîran geno.

Hesen El Xabûrî ard ziwan ke heta ke hewce bikero ê do Helebî ra wesayîtan wedarê û vat ê do semedê her kesî warê biasayîşî pêda bikerî.

Hemserekê Yewîya Ramitoxan a Tebqa Mehmûd El Omer zî vat ê wezîfeyê xo yê merdimîye bîyarî ca.

Barê Elbû Asî yê Tebqa de sixletîya trafîkî est a.

Îderyê Xoserî yê Rojawanî da zanayene ke heta nika 2 hezar û 892 kesî resayî herêma xosere. Goreyê eşkerayîye nînan ra 2 hezar 158 kesî wendekar ê.