Îdarekaranê verênan ê PDKyî ra Îsmaîl Alî Îsmaîl serra 2019î de pê rayîrê qeçaxî derbazê Rojawanî bi. Îsmaîl Alî Îsmaîl 1986 de tewrê PDKyî bi û pêşmergetîye ra dima tewrê îdareyî bi. 

Alî Îsmaîlî eşkera kerd ke hêrişê dewleta tirke yê vera Başûrê Kurdîstanî îşxal o û vat: ''Wextê referandumî de dewleta tirke vera Başûrî têgêraye. La nika PDK dewleta tirke reyde dostanîye keno. Dewleta tirke têna dişmenê şarê Başûrî nîya dişmenê pêro kurdan a. Şarê Başûrî zî aye nêwazeno. Partîyê Başûrî ganî bibê yew û îdareyê Başûrî rê vajê bes o. Eke Erdogan Başûrî îşxal bikero ê hukmatî zî nêverdeno.''

Îsmaîl Alî Îsmaîlî hemkarîya PDKyî ya bi Tirkîya rexne kerde û vat: ''Dişmen seba menfaatanê xo têgêreno. Wexto ke DAÎŞî hêriş kerd way û birayanê Başûrî xo resna hewarê şarê Başûrî. La PDK koordîneyê înan dano dewleta tirke. Ez rîca û hêvî kena ke wa îdare û parlamentoya Başûrî îşxalî qebul nêkerê. Şorişê kurdan beno pîl û temamîya dinya ra vila beno. Şarê Kurdîstanî seba pawitişê destkewteyanê xo ganî vera dişmenî bibo yew.''