Hunermenda dengbêje Ayşe Şan 18ê kanûna 1996î de Îzmîr de dinyaya xo bedilnabî. Cenazaya Ayşe Şan 29 serran ra dima wasîyetê xo ser o Amed de ameye definkerdene.

Cenaza merasîmî ra dima qezaya Rêzanî de Goristanê Yenîkoyî de ameye definkerdene. Wekîlê DEM Partî, Hemşaredarê Amedî, nuştox, roşnvîr, temsîlkarê dezgeh û rêxistinan zî tewrê cenaza bîyî. Cenaza de sloganê ‘’Jin, Jiyan, Azadî’’ ameyî vatene û gorî ser de vilî ameyî ronayene. Dima kilamê Ayşe Şan ameyî vatene.

Lajê Ayşe Şan Murat Kerseyî pare kerd ke dadîya ci hinî şarê kurdî rê emanet a.

Merdimanê keyeyî ra Yuksele Avşar vat: ‘’No waştişê şarê kurdî bi. Wijdanê şarê kurdî do wayîrê Ayşe Şan vejîyo. Aye surgun û dejê pîlî dîbî.’’

Ayşe Şan'ın oğlu Murat Kerse, bu saatten sonra annesinin Kürt halkına emanet olduğunu belirtti.

Endama Platformê Yewîya Cinîyan ê Kurdan Zinê Dînçer vat: ‘’Ma Şaredarîya Amedî rê sipas kenê ke Ayşe Şan arda welatê ci.’’

Hemşaredara Amedî Serra Bucak vat: ‘’Ayşe Şan himî keyeyê xo de, welatê xo de û hetê dadîya xo de ya.’’

Hemşaredar Dogan Hatunî û Wekîlê DEM Partî Serhat Erenî zî îfade kerd ke êyê ke welatî ra dûrî yê, seba agêrayîşê înan têkoşîn do bêro kerdene.