Îdareyê Xoserî yê Rojawanî derheqê serkewtişê Hesekê yê QSDyî de eşkerayîyêke daye.  Eşkerayîye de ame vatene ke no serkewtiş seba şarê Rojawanî têkoşînê vera DAÎŞî de noqtaya girînge ya diyîn a.

Îdareyê Xoserî pêro şehîdî yad kerdî û ard ziwan ke armancê nê hêrişî îşxalê Rojawanî û çinkerdişê Îdareyê Xoserî bi û vat: ''No hêriş serrgêra ronayîşê Îdareyê Xoserî de ame kerdene. No zî mojneno ke no hêriş vera îradeyê şarê herême yo. La domananê nê erdî no hêriş pûç kerd.

Nika hem serrgêra serkewtişê Kobanê hem zî serkewtişê Hesekê yo. Ma şarê xo reyna fîraz kenê. No serkewtiş seba şarê ma têkoşînê vera DAÎŞî de noqtaya girînge ya diyîn a. Wehşetê DAÎŞî 2015 de Kobanê de bi giranî bin kewtbi. Ewro stratejîya ke dewleta tirke pê destê DAÎŞî kerdêne Hesekê de ameye binkerdene.

Ma reyna pêro şaran selam kenê, hêzanê QSD, YPJ, HPC û Hêzanê Asayîşê Zereyî fîraz kenê. Ma venga şarê xo danê ke pawitişê erdê xo de hişyar bibo û paştî bido hêzanê ma.''