Komîteya Karanê Teberî ya Îdareyê Xoserî vera eşkerayîyanê ke tede hukmatê Şamî vato wextê hêrişanê DAÎŞî yê vera Hesekê de QSDyî sûcê şerî kerdo, nêrazîbîyayîşê xo mojna.

Komîte derheqê îdîayanê rejîmê Şamî de eşkerayîyêke daye û îfade kerd ke sebebê krîzanê Sûrîye hukmatê Şamî yo. Komîte vat:

''Rejîmê Şamî bi hawayêkê şovenîstî hêrişê QSDyî keno û QSDyî pê sûcanê zûran sûcdar keno. Rejîm xoverdayîşo ke vera hêrişanê cergan yeno kerdene sey 'sûcî' vîneno.  2015 de rejîm û artêşa ci hêrişê 100 terorîstan de heman zîndan teriknabi û remabi. No zîndan hetê YPG û YPJyî ra ame azadkerdene.

Eşkerayîyê rejîmî komîk ê. Êyê ke Hesekê de vera DAÎŞî şer kenê ewladê Sûrîye yê. La rejîmê Sûrîye seba  ke serkewtişê Îdareyê Xoserî û dîyaloganê xo yê xiraban mevîno DAÎŞ tercîh kerdo.Ma nê eşkerayîyan şermezar kenê. Ma visnenê vîrî ke DAÎŞî erdê Sûrîye îşxal kerdbi. Ganî rejîmî vera sûcanê dewleta tirke û cerganê ci nêrazîbîyayîşê xo bimojnayêne. L ewro eşkerayîyê rejîmî moral danê dewleta tirke û DAÎŞî.

Ma reyna venga hukmatê Şamî danê ke wa hol bifikiro û hişyar bibo. Çew hînî pê hîkayeyanê şima bawer nêkeno. Hînî bêbextîya vera şarê Sûrîye ra fek vera bidê.''