Îdareyê Xoserî  veng da Meclîsê Asayîşî, Koalîsyona Mîyanneteweyî, Yewîya Erebî û Yewîya Ewropa ke şer ver bi nê kampan de şino ke keyeyê çeteyanê DAÎŞ'î tede manenê. Ame vatene ke  eke rewşe bikewe kontrolê înan, cîhan de tehlûkeyo pîl do biqewîmîyo.

Îdareyî Xoserî yê Vakur û Rojakewtena Sûrîye derheqê keyeyanê çeteyan ê DAÎŞ'î de ke kampa Eyn Îsa de yê, vengdayîşê lezabezî kerd û vat tayê keyeyî bi hetkarîya çeteyanê dewleta Tirkî kampe ra remenê.

Vengdayîşê lezabezî de  nê ameyî vatene: "Pêroyê Meclîsê Asayîşî, Koalîsyona Mîyanneteweyî yê verba DAÎŞ'î, Yewîya Ereban, Yewîya Ewropa û zafê rêxistinê heqanê merdiman rê; hêrişê dewleta Tirkî ya îşxalkare û çeteyanê ci yê bêserûver nêzdîya kampa Eyn Îsa benê,  ke bi hezaran keyeyê DAÎŞ'î tede manenê. Tayê keyeyî dimayê topvarananê çeteyan kampe ra remeyî. No firsend bide ke DAÎŞ newe ra aktîf bibo. Naye ra ma veng danê ke şima  berpirsîyarîya xo bîyarê ca. Bikê ke felaketêk nêbo. Eke felaketêk bêro meydan têna Sûrîye de ney, pêroyê cayan de tesîrê ci benê."