Vizêr Edlîyeya Dihokî de dewaya vera rojnameger Silêman Ehmedî ame kerdene û cezaya zîndanî ya hîrê serran dîyaye Ehmedî.

Dayîreyê Çapemenîye yê Îdareyê Xoserî yê Rojawanî bi eşkerayîyêke vera na ceza nêrazîbîyayîşê xo mojna. 

Eşkerayîye de bale ameye antene ser ke PDKyî Silêman Ehmed remnabi û destûr nêdabi pêvînayîşê avûkatan. Îdareyê Xoserî vat: ''Goreyê madeya 123ine ya Qanûnê Mehkemeya Ceza tepişteyî do bieşkê mîyanê 24 saetan de avûkatanê xo bivînê. Embazê ma Ehmed Silêmanî de bi hawayêkê legalî xebitîyayêne. Cezaya ke mehkemeya PDKyî daya rojnameger Silêman Ehmedî meşrû nîya. Na ceza dûştê pêro krîter û qanûnanê rojnamegerî yê mîyanneteweyîyan a.''

Dayîreyê Çapemenîye seba veradîyayîşê Silêman Ehmedî veng da.