Îdareyê Xoserî yê Rojawanî derheqê çeteyanê DAÎŞî yê ke zîndanan de yenê tepiştene eşkerayî daye û nê pare kerdî:

“ QSDyî senî vera rêxistina têrorî ya DAÎŞî şer kerd heme dinya dî. Sere de Kobanê ra heta Baxoz û Reqa ke qaçîko paytextê çeteyan a. Na rêxistina terorî vera şarê herême zaf sûcê girdi û qirkerdişî kerdî. Nînan ra tayî kewtê mîyanê sûcanê şerî. Bîyî sebebê mergê şarî û qetilkerdişê bi hezaran kesan. Reyna bajarê ma serûbin kerdî. 60î ra zafêr welatan ra pê destê hukmatê Anqara serê Tirkîya ra terorîstî kewtê herra Sûrîye. Rixmê nê QSDyî pê paştdayîşê Koalîsyonê Mîyanneteweyî çeteyanê DAÎŞî rê hetê cografî ra da vînkerdene.

Nika zîndananê Îdareyê Xoserî yê Rojawanî de 10 hezarî ra zafêr terorîsê DAÎŞî  est ê. Bi hezaran kesî zî cinî û domanî zî tede, merdimê çeteyan kampanê Rojawanî de yê. Bado ke şerê Baxozî qedîya, a roje ra nata Îdareyo Xoser veng dano ke wa komelê mîyanneteweyî berpirsîyarîya xo bîyaro ca. Reyna veng dano dewletanê eleqedaran ke wa semedê muhakemekerdişê çeteyan mehkemeya mîyanneteweyî ronê. Îdareyo Xoser rixmê barê xo yê giranî nê çeteyan zîndanan de tepişeno ke wa semedê sûcanê xo yê girdan bêrê muhakemekerdene.

Mumkun nîyo ke na rewşe wina dewam bikero. Gerek nê sûcdarî bêrê muhakemekerdene. Goreyê huqûqî nîyo ke nê sûcdarî bê muhakemekerdişî bimanê. Wina verdayîş semedê herême tehlukeyî girdêr keno. Komelê mîyanneteweyî vengdayîşê nêvînayîşî ra yeno. Coka Îdareyê Xoserî yê Rojawanî  dest pê muhakemekerdişê çeteyanê DAÎŞî yê xerîban keno.Vengdayîşê ma yê semedê ronayîşê mehkemeya mîyanneteweyî hema vîyartbar o. Na çarçawe de ma veng danê Koalîsyonê Mîyanneteweyî, Neteweyanê Yewbîyayeyan, rêxistinanê huqûqî yê mîyanneteweyî û rêxistinanê herême ke wa demê muhakemekerdişî de paştdayîş bidê. ”