Serekê rejîmê Sûrîye Beşar El-Esadî  kanalê xeberan ê Russia 24î de îdîa kerd ke Sûrîye de meseleya kurdî çîn a. Wexto ke dewleta tirke kurdî qir kerdêne înan paştî daya kurdan û îdîa kerd ke kurdan qet guleyêk vera îşxalê dewleta tirke nêteqnayo. Îdareyo Xoser ê Vakur û Rojhelatê Sûrîye bi eşkerayîyêke vera Esadî hêrsê xo ard ziwan.  

Eşkerayîyêke bale ameye antene ke krizê zereyî yê Sûrîye bîyo sey arenaya hesabpersayîşê hêzanê mîyanneteweyî û nê ameyî parekerdene: Rejîmê Sûrîye yo ke berpirsîyarîye ra remeno mîmaro tewr gird ê nê krîz o ke nêno çareserkerdene. Serekê Dewlete yê Sûrîye Beşar El Esad zî vejîyo sey zîhnîyeto ke krîz veto meydan eşkerayîye dano. No ziwan û nizdîbîyayîş dewleta tirke ya ke herra Sûrîye îşxal kerdo rê xizmet keno.

Meseleya kurdî semedê çareserkerdişê krîzê Sûrîye gamêka girda. Eyê ke şarê kurdî û şaranê Rojawanî semedê perçekerdişê Sûrîye sûcdar kenê wa têkoşînê pawtişê herra Sûrîye yê vera dewleta tirke û çeteyanê ci yê Efrînî bîyarî xo vîr. Serêkanîye û Girê Sipî de eyê ke semedê pawitişê Sûrîye ganê xo da danê wa xo vîr ra mekerê. Gama ke nê bîyêne rejîmê Sûrîye bêveng dûrî ra temaşe kerdêne.

Semedê rejîmê Sûrîye gama tewr raşte aya ke bedilyayîşî qebûl bikero çareserîya demokratîke rê vajo ya. Ganî semedê ronayîşê yew Sûrîyeya demokratîke rayîr bêro akerdene. Hewan wextî de ganî bêro qebûlkerdene ke meseleya krudî perçeyêko girîng ê krîzê Sûrîye yo. Ganî no bêro famkerdene ke Îdareyo Xoser ê Vakur û Rojhelatî zirar yewîya Sûrîye nêdano. Projeyê Îdareyê Xoserî şaran ano yew ca û serkewtişê xo îspat kerdo. Hedefgirewtişê nê projeyî xizmetê înanê ke wazenê Sûrîye cîya bikerê keno.