Goreyê zanayîşanê ke ameyî girewtene wexto ke dewrîyeyê rûs û tirkan derbaz bîyêne teqayîşêk qewimîya. Ame parekerdene ke tay polîsê leşkerî yê Rûsya birîndar bîyî. Bîlançoyêka zelale nêameye destvistene.

Goreyê zanayîşanê peyênan wesayîtêko bombabarkerde ame teqnayene. Teqayîş rayîrê M4î de qewimîya. Herêma Îdlîbî binê îşxalê Heyet Tahrîr El Şam a El Nusra de ya.

 Dewleta tirke û Rûsya çarçewa peymananê 2019 û adara 2020î de herême de dewrîye gêrenê. 16ê hezîrane de zî wexto ke dewrîyeyê rûs û tirka rayîrê M4î ra derbaz bîyêne, teqayîşêk qewimîyabî û wesayîtê zirxînî yê rûsan xesar dibi.

Kanûna 2019î de zî teqayîşêkê bombayêke de 3 leşkerê rûsî birîndar bibî.