Dimayê hêrişanê îşxalkaran ê dewleta Tirkî yê serê Serêkanîyê, xîretê hêrişî yê serê Dirbêsîyê zêde bîyî. Şarê Dirbêsîyê vat, ''Ma erdê xo ca nêverdenî û agêrenê Serêkanîyê."

Cîhan Derwêşî vat, "Heta nika hêrişêk de zî ma cayê xo nêteriknê û nika ra dima zî ê nêeşkenî ke ma cayê xo ra bikê. Bawerîya ma pê Amerîka yan zî Rûsya çin a, ma bawerîya xo hêzê xo ra gênê. Wazenê Kurdan çin bikê û 40 serran ra nata verba ma şer kenî la heta nika nêeşkê. Wexto ke ê Kurdêk bikişê bi hezaran Kurdî verba înan do vinderê, wa naye baş bizanê. Verba zulmê înan ma se serranê bînan zî do şer bikê. Wexto ke bombayê fosfore yê qedexekerdeyî eştêne serê nê şarî, çira kesêk vengê xo nêkerd, verba naye de nêvindert? Çira kesêk înan rê nêvano şima çira domanan pê bombayan kişenê?"

Necva Abbasî zî bi 3 domananê xo cepheye de ya, mîyanê Xoverdayîşê Rûmetî de ya. Abbasî vat, "Eke Erdogan bi tang û topan hêrişê ma bike, ma do xo ver bidê û pawitişê xo bikê. Senî ke ma Minbîc û zafê şaristanê xo azad kerdî, ma do reyna înan erdê xo ra bivejê. Nêeşkenê ma biqedînê. Her kes seba pawitişê erdê xo ganî mabênê HPC'yî de ca bigêre û pawitişê xo bike."