Dewleta Tirkan a îşxalkare 9ê terşîna verêne ra nat çetayanê xo reyde hêrişê Vakur û Rojhelatê Kurdistanî kena. Roniştoxanê Kobanê ANF'yî reyde qisey kerd.

Mihemed Mehmudî vat:"Nê cayan de hêzanê ma ra ber bawerîya ma pê kesêkî çin a. Heta nika Amerîka vatêne ma do hetkarîya şima bikê û şima bipawê. Nika zî Rûsya heman çi kena. La bawerîya ma pê înan çin a. Çunke her kes goreyê menfaatê xo têgêreno. Senî ke Saddam Huseyîn bi destê dewleta neteweyî pîl bîyo û qirkerdişê Kurdan kerdo, Erdogan zî destê înan de pîl bîyo û Kurdan qetil keno. Kesê ke Saddam  pîl kerd û kişt, heman kesî bîyî. Kesê ke Erdogan kenî pîl û kesê ke do ey bikişê, heman kesî bibê."
Omer Şêx Ehmedî zî wina vat: "Ma teyarayanê şerî yê Dewleta Tirkan û çeteyanê aye ra neçar mendî ke koç bikê.  Pêroyê dewletî ma ser bazarîye kenî. Ma sey her kesî wazenê bi hewayêkê aramî biciwîyê. Dewleta Tirkan verba ma çekanê qedexekerdeyan xebitnayena û pêroyê Dewletê NATO verba naye çimê xo qefilnayî. Heta çila peyêne ya gonîya xo ma do erdê xo bipawê û wayîrê rûmetê erdê xo bivejîyê."