Xeylêk bajaranê Rojawanî de şaro ke vejîya kuçeyan hêrişê îşxalî yê dewleta tirke protesto kerd û vat ê do vera hêrişan bêveng memanê.

Kobanê me Meydanê Şehîd Egîdî de eşkerayîye ameye dayene. Çalakîye de fotografê domananê ke dewleta tirke qetil kerdî ameyî kiriştene. Meydan de sloganê sey “Bijî Serok Apo”,  “Jin Jîyan Azadî” “Berxwedan Jîyane” bîyî berz.

Eşkerayîye de ame vîrvistene ke hêrişê dewleta tirke bêmabên dewam kenê û ame vatene ke şar bi  hewayêkê qerardarî  xover dano. Reyna bale ameye antene serê qirkerdişanê dewleta tirke ser û ame vatene ke ê do çirey vera hêrişan bêveng memanê û têkoşînê xo xurtêr bikerê.

Reyna Minbic û xeylêk bajaranê bînan de zî hêrişê îşxalî ameyî protestokerdene û mesajê xurtkerdişê têkoşînî ame dayene.