Sêrt de vera destsernayîşê şaredarîye çalakîyê şermezarkerdişî û xoverdayîş dewam kenê. Roniştoxanê Sêrtî derheqê babete de ANFyî rê qisey kerd.

Neslîhane Çabak: Oyo ke îqtîdar ma rê keno zulm û neheqî yo. Dest nayo şaredarîya ma, pereyê şaredarîya ma ê do bidê çeteyan. Rojawan de hêrişê şarê ma kenê, tîya de dest nanê şaredarîyanê ma. Qeyûmî çîyêkî nêdanê nê şarî. Seba talan û dizdîye qeyûmî tîya de yê. Ma do ney qebul nêkerê.

Murat Ogutcu: Hîrê reyî yo qeyûmî tayînê şaredarîya ma benê. Na darbe ya, birêka îlegal a. Na bira sîyasîye çinhesibnayîşê îradeyê şarê Sêrtî yo. Ma na bêhuqûqîye nêşinasnenê. Ê nêeşkenê îradeyê ma çin bihesibnê.

Emîne Polat: No zulm o, heqaret o, neheqî yo. Ê heqê ma wenê. Şaredarîye heqê sêwîyan a, ê heqê ma wenê. Qeyûm talankerî û dizdî ya.

Esmer Baran: Ê îradeyê şarê kurdî rê hûrmet nêkenê. Dizdî û talan kenê. Ma bi keda xo şaredarîye viste destî. AKP do qetî nêeşko şaredarîyanê ma bigêro. Ma do qeyûman qebul nêkerê. Ma nê zulmî qebul nêkenê.