Rewşa îstîsnayîye ya koçberîye û vilabîyayîşê vîrusê Korona ra Şaredarîya Şehba rewşa seferberîye îlan kerde.

Endamê Îdareyê Şaredarîya Fafînî Ehmed Şêxoyî derheqê xebatanê şaredarîye de qisey kerd. Şêxoyî vist vîrî ke vîrus xeylêk welatanê cîranan de vila bi coka înan zî tebdîrî girewtî û hêverî pê hetkarîya komunan dest pê zanayîşdayîşê şarî kerd. Şêxoyî vat dima zî înan tax, keye, kuçe û dezgehî dezenfekte kerdî û pankartê hîşyarîye daliqnayî. Şêxoyî vat: ''Goreyê îmkananê xo yê kêmî û şert û mercanê koçberîye, ma xîret kenê ke şarê xo nêweşîye ra bipawê û meverdê ke nêweşîye derbazê herêma ma biba.'' Ehmed Şêxoyî venga şarî da ke goreyê biranê Heyetê Weşîye  têbigêro