Merkezê Îrtîbat û Çapemenîye yê Hêzanê Sûrîyeya Demokratîke (QSD) bi eşkerayîyêke da pêhesanyenê ke 9 endamê Yewîyayanê Antîterorî (YAT)  yê ke qezayê teyara de şehîd bîyî ameyî ardene Hesekê. Eşkerayîye de ame vatene ke siba do saete 11.00 de merasîmê cenaza bêro kerdene.

QSDyî vat: ''Merasîm do bi girewtişê cenazayan dest pê bikero. Cenazayî do Nêweşxanyê Şehîde Sarya yê taxa Xuwêran a Hesekê ra bêrê girewtene û doşan ser bêrê berdene Stadyumê Serdemî ke eynî taxe de yo.''

Fermandarîya QSDyî da zanayene ke mutefîkê înan ê vera terorî û temsîlkarê dezgeh û sazgehan do tewrê merasîmî bibê û veng da şarî ke wa tewrê  merasîmê raştkerdişê şehîdan bibê.