Merkezê Îrtîbat û Çapemenîye yê Hêzanê Sûrîyeya Demokratîke (QSD) eşkerayîye dayê û nê vatî:

Yew yewîya ma ya pabesteyê Yewîyayanê Atîterorî (YAT)  seba ke çarçeweya têkoşînê vera DAÎŞî de tecrubeyê xo yê asayîş û leşkerî pare bikero, Rojawan de vera terorî kabîyetê xo bizêdîno şîye Başûrê Kurdîstanî.

Şewa 15ê adara 2023yî de helîkopterê ke şervanê ma kiriştêne, gama ke kewt Silêmanî rîyê şertanê xiraban ê hewayî ra gina war. Serkêşîya Fermandarê Yewîyanê Terorî Şervan Kobanê de 9 şervanê ma şehîd bîyî.

HêzanêAntî Terorî vera terorî şerî de şervan û fermandarê xo yê tewr erjîyayî feda kerdî.  Kobanê ra heta Reqa û Dêrazorî şeranê giranan de ca girewt. Nê hêzî goreyê metodanê şerî giranî ameyî perwerdekerdene  û şîrikê Koalîsyonê Mîyanneteweyî yê Vera DAÎŞî yê. Pîya bi nê bi hewayêkê aktîfî têkoşîn kene, herême de pîya bi hêzanê bînan ê ke vera DAÎŞî têkoşîn kenê ke mekanîzmaya hempar xurtêr bikerê û qabîleyetê xo aver bêrê.

Ma merdimanê şehîdan û heme şarê xo rê serweşîye wazenê. Ma reyna vanê ke ma do xeta şehîdanê xo yê fedayîyan de şar û herra xo ya bimbareke bipawê.

Ma veng danê selahîyetdaranê Başûrê Kurdîstanî ke wa cenazayanê şehîdanê ma biresnê Rojawanî ke ma goreyê erjan û tradîsyonê xo defin bikerê.''