Şervana  Hêzanê Xelisnayîşê Efrînî (HRE) Roşîne Elî (Zîne Sekvan) ya  ke merhaleya dîyên a Xoverdayîşê Dewrî de 18ê tebaxe de  şehîd bîye, Kobanê de ameye definkerdene.

Şehîde Zîne Sekvan bi merasîmêkê leşkerî Şehîdgehê Şehîde Dîcle yê Kobanê de ameye definkerdene. Herêma Firatî ra bi seyan kesî tewrê merasîmî bîyî.

Hemsereka Meclîsê Keyeyanê Şehîdan ê Herêma Firatî Ayşe Efendî vat: ''Ma soz danê ewledanê qehremanan ê nê welatî ke ma do heta dalpaya peyên a gonîya xo vera heme hêrişanê îşxalkeran xover bidê.''

Hemsereka Meclîsê Keyeyanê Şehîdan ê Herêma Efrîn-Şehba Xedîce Îbo zî vat: ''Seba ke ma Efrînî pncanê leyminan ê îşxalkeran ra bixelisnê ma do şewe û roje bixebitê. Ma wayîrê na herre yê. Ma teror nîyê, êyê ke domananê ma qurban kenê, keyeyanê ma talan kenê û herra ma îşxal kenê ê teror ê.''

Qiseykerdoxanê bînan zî vera hêriş û îşxalî hêrsê xo ard ziwan û mesajê xurtkerdişê xoverdayîşî dayî.

Badê qiseykerdişan belgeyê şehadetî yê şehîde ame wendene û keyeyê ci rê ame teslîmkerdene. Şehîde bi slogana ''Şehîdî nêmirenî'' û tîlîlîyanê dayîkan ameye definkerdene.