Hêrişê dewleta tirke ya îşxalkere û cerganê ci yê Artêşa Milî ya Sûrîye (SMO) vera Pirdê Qereqoxazî û Awbendê Tişrînî dewam kenê. Armanê nê hêrişan destvistişê Kobanê yê. Şerwananê cepheyê Qereqoxazî ANFyî rê qisey kerd.

Şerwanê QSDyî Tolhildan Zagrosî ard ziwan ke dewleta tirke vera herême şerêkê giranî kena û vat: ''Ma hê vera şerê taybetî û hêrişanê fîzîkîyan xo ver danê. Qereqoxaz û Tişrîn binê kontrolê ma de yê. Nê hêrişî Kobanê rê gefan wanenê.''

Şerwan Şêrgo Kobanê vat: ''Dewleta tirke û cergê ci yê SMOyî wazenê ke hêrişanê îşxalî pîlêr bikerê. Nika wazenê Tişrîn û Qereqozaxî bivisnê destî. Dişmen xo amade keno ke hêrişê Kobanê bikero. Kobanê de 2014 de vera DAÎŞî destan nusîyabi. Kobanê do ancî nêkewa destê dişmenî. Hêzanê QSD, YPG û YPJyî ra tek bimano zî ma do xo ver bidê.''

Kelteş Kobanêyî vat: ''Ancî vera Kobanê gefî yenê wendene. Ma nê gefan ra nêtersenê. Eke ma eşkayê DAÎŞî bin bivisnê ma do înan zî bin bivisnê! Kobanê do nêkewa destê dewleta tirke û cerganê ci. Ma tîya de yê. Şarê ma û şerwanî pîya do xo ver bidê. Ma pêro hêrişan rê amade yê.''