Hêzanê Sûrîyeya Demokratîke (QSD) perey saetanê şanî de dormeyê Awbendê Tişrînî de droneyo bi nameyê Bayraktar TB2 yê dewleta tirke ya îşxalkere da war. QSDyî hesabê xo yê medyaya dîjîtale de dîmenê na çalakîye bare kerdî.

Dewleta tirke ya îşxalkere û çeteyê ci yê Artêşa Mîlî ya Sûrîye (SMO) vera  Awbendê Tişrînî hîrê hetan ra dest pê hêrişî kerd. Meclîsê Leşkerî yê Minbicî û YPJyî hêriş şikna.Xoverdayîşê xopawitişî de tewr tay 37 çeteyî ameyî kiştene, xeylê çeteyî birîndar bîyî û 5 wesayîtî ameyî îmhakerdene.

Merkezê Çapemenîye yê Meclîsê Leşkerî yê Minbicî dîmenê çalakîyanê ke çarçewaya pawitişê meşrûyî de Awbendê Tişrînî û Pirdê Qereqozaxî de vera îşxalkeran hewayî ra ameyî kerdene, pare kerdî.