Şerwanê nternasyonalîstê amerîkayîjî yê YPGyî Agirî ANFyî rê qala Şorişê Rojawanî kerde.

Agirî da zanayene ke ey wextê Xoverdayîşê Kobanê de nameyê Rojawanî eşnawito û vat: ''Mi xeberan ra şerê vera DAÎŞî teqîb kerd. Bi nê hawayî mi fam kerd ke çi qewimîyeno û YPG-YPJ seba çita şer kenê. Wexto ke ez derbazê Rojawanî bîya mi rewşe nêzdî ra hîna zaf fam kerde.''

Agirî meseleyanê herême ser o zî qisey kerd û vat: ''Budçeya Îdareyê Xoserî zafêr şina şerî. Coka komel krîzî de têrî beno. Eke Îdareyo Xoser bi hawayêkê fermî bêro şinasnayene, verê gef û hêrişanê serê herême bêro girewtene haştîye û aramîye do bêrê. 10 serran de bi xoverdayîşî Şorişê Rojawanî resa a aste ke hînî tira agêrayîş nêbeno. Rojawan de şorişî reyde cinîyî tewrê her warê cuye û komelî benê.''

Agiro ke 9ê teşrîna verêne de ajansê ma rê qisey kerdbi vat: ''9ê teşrîna verêne roja qetilkerdişê Che Guavara ya û roja Komployê vera Abdullah Ocalanî ya. Ganî qetî nêro vîrakerdene ke her çi hetê globalî ra pabesteyê yewbînan ê û yewbînan de eleqedar ê.''