Vizêr şan Kampa Erîşa ya Hesekê de rîyê teqayîşê ocaxêkê gazî ra şewat vejîya. Şewat de 30 xeymî vêşayî. Roniştoxanê kampe û îtfaîya pîya şewat kerd hewna.

Şewat de nefesê 3 tenan gêrayî la tîmê Heyva Sor a Kurdî cade mudaxeleyê nê kesan kerd. Ame zanayene ke rewşa nê kesan nika hol a.

Kampa Erîşa de tewr tay 14 hezar roniştoxî estê û zafêrê înan Dêra Zorê û Reqa ra yê. Înan ra tay kesî seba ke mal û wareyê ci binê serwerîya Sûrîye de yê kampe de manenê, tay kesê bînî zî seba ke wareyê înan wêran bîyî kampe de manenê.

Hêrişanê dewleta tirke yê vera Rojawanî ra dima zî xeylêk koçberî kampe de ca bîyî.