Endamê Konseya Hemserekîya PYDyî Aldar Xelîlî derheqê hêrişanê îşxalî yê dewleta tirke yê vera Rojawanî de ANFyî rê qisey kerd.

Aldar Xelîlî pare kerd ke dewleta tirke nêwazena krîzê Sûrîye çareser biba û krîzî weye kena. Xelîlî vat: ''Îqtîdarê AKP-MHPyî bi dergkerdişê krîzê Sûrîye waseno îqtîdar de bimano. Dewleta tirke hêrişê wareyanê sivîlan kena. Ganî nê hêrişî bibê sebeb ke yewîya ma ya neteweyîye bêra caardene û têkoşîno hempar bêro kerdene.Dewleta tirke bê destûrê hêzanê mîyanneteweyîyan qetî nêeşkayêne hêrişanê winayênan bikera. Roketê ke Amerîka û NATOyî viraştê hêrişanê dewleta tirke de şuxilîyenê. Amerîka û NATO bi nê hawayî benê hemkarê nê hêrişan.

Rojawan de têna kurdî nê şarê ereb, sûryanî, tirkmen ûsn. şarê bînî est ê. Eke şarê ma bibê yew û bingeyê Şerê Şarî yê Şorişgêrî de têkoşîn bikerê ma do ser bikewê. Eke Rojawan ser bikewo pêro dinya do ser bikewa. Kobanê de verî hêzî bibî yew û ser kewtbî. Şingal de zî wina bibi. Nika zî ganî hêzê Kurdîstanî, hêzê demokratîkî û şarî bibê yew û pîya xo ver bidê.''