Fermandara YPJyî Amara Şervan xelisnayîşê Minbicî ser o ANFyî rê qisey kerd. Qiseykerdişê aye ra qismêk wina yo:

''Ma her war de hertim tim azadîye xo rê esas kerde. Minbic wayîrê taybetmendîyêka stratejîke bi. Tede hem erebî hem zî kurdî pîya ciwîyayêne. DAÎŞ û Nûsra waşt nasnameyê Îslamî bişuxilnê û îradeyê şarî çin bikerê. Înan bi hawayêkê eşkerayî qirkerdiş kerdêne. Şar cara pabeyê ma bi. Ma kamca azad kerd ma rewşe dîye.

Hedefê ma yo esas Cerablus bi. Seba xelisnayîşê Cerablusî ma bire daye ke verî Minbic azad bikerê. Ma wayîrê koordînasyonêkê başî bîyî. Ma xo rê esas kerd ke wa zerar nêreso sivîlan. la cergan sivîlî xo rê kerdêne mertal. ma nêzdîyê cayanê fîrazan, nêweşxaneyan, dibistanan de qetî çekî nêşuxilnayî. DAÎŞî zanayêne ke eke Minbic destê înan ra şoro ê do bin bikewê. Coka tim ma rê gefî wendêne. Ma korîdorî akerd ke sivîlî zerar nêvînê.

Hêzanê ma şerêko pîl kerd, îradeyêko pîl mojna. Şerî 3 mengî dewam kerd.Hêvî û waştişê şarî pîl bi.Dişmenî bi taybetî hêrişê embazanê cinîyan kerdêne. Armancê înan şiknayîşê îradeyê cinîyan bi. Embaze Koçerîne birîndar bîye. Cergan xîret kerd ke aye esîr bigêrê. La embaze Koçerîne çalakîya fedayîye kerde. Na çalakîye azadkerdişê ruhî bîye. Mojna ke îradeyê cinîyan vera çewî nêno teslîm girewtene. Hêz, îrade û tewrbîyayîşê cinîyan roje bi roje zêdîyayêne. Her guleyê ma qesasê cinîyêke bi. DAÎŞ Minbic de tewr zaf cinîyan ra tersayêne. Tilîlîyanê embazanê cinîyan îradeyê dişmenî şikna. Cerganê DAÎŞî bi xo no îtîraf kerd.'