Hêzanê YPJ'yî yê Herêma Firatî, Arîn Mîrkane û Rêvana Kobanê ke Xoverdayîşê Kobanê de çalakîya fedayîye kerde bi mersîmêko biheybet yad kerdî.

Merasîmê yadkerdişî Goristanê Şehîd Dîcle yê Kantona Kobanê yê Herêma Firatî de ame viraştene. Merasîm de Fermandaranê YPJ'yî ra Kurdistan Serekanîye qisey kerd û vat: "Xoverdayîşê Kobanê rama musayê ke ruhê fedakarîye û bedelê azadîye çi yê. Bi çalakîya fedayîye ya Şehîdê Arîne û Rêvana seba azadîye sey pird bi. Tarîxê şar ê Kurdî pirrê çalakîyanê fedayîyan ê. Sey têkoşer Besêya Dêrsimije ya Vakurê Kurdistanî ra ya, Avesta Xabûra ke sereyê xo vera îşxalkerdişê Tirkî  wedarit û pê canê xo verba îşxalkerdişê çalakîya fedayîye kerde, Zozan, Rêvana û Arîne ke qebûl nêkerd ke çeteyê DAÎŞ'î derbasê şaristan ê Kobanê bibê û bi canê xo verba tankanê çeteyan ê DAÎŞ'î vinderna. Kesê ke bîyî temsîlkarê felsefeya cinî ya azade." Fermandara YPJ'yî Kurdistan Serêkanîye peyên de sozê taqîbkerdişê rayîr ê şehîdan û pawitişê asayîş ê welatî da.