Baxoz de mabênê şerwanan û çeteyan de şer giran o

Opreasyonê Hêzanê Sûrîyeya Demokratîke (QSD) yê vera çeteyanê DAÎŞ’î de pêkewtişê giranî yenê ciwîyayene.

Goreyê zanayîşan saetanê rewî yê sibayî ra  Baxoz de mabênê şerwanananê QSD’yî û çeteyanê DAÎŞ’î de pêkewtişan newe ra dest pêkerd.

Vervatoxê QSD’yî Kîno Gabrîelî da zanayene ke goreyê vatişê kesan ê ke ameyî hewilnayene, hema nizdê 5 hezar kesî Baxoz de estî û vat ke peynîya operasyonî nêzdî ya.

Gabrîelî eşkerayîya vizêrî de vat ke Baxoz ra menge Çele ra heta nika 64 hezar kesî ameyî vetene. Înan ra 5 hezar çeteyî û ameyî tepiştene, 25 hezar zî keyeyê çeteyane û 34 hezar zî sivîl ê.