Hemserekê Komîteya Karanê Zereyî ya Herêma Cizîre Kenan Berekatî hêrişê DAÎŞî yê vera Zîndanê Sinaa yê Hesekê ANFyî rê ercna.

Berekatî vist vîrî ke îşxalê Girê Sipî û Serêkanîyê hêz da DAÎŞî û vat: ''Pê hêrişanê vera Kobanê, Til Temir û Eyn Îsayî yeno waştene ke warê krîzî bêro awankerdene. Vera nê polîtîkayanê hêrişî têkoşînê ma bi qerardarî dewam keno. QSD û Hêzê Asayîşê Zereyî vera nê hêrişan têkoşînêkê serkewteyî kenê.''

Ekrem Berekatî da zanayene ke dima ke berê sînorî ameyî qefilnayene nê hêrişî ameyî kerdene û nê hêrişî vera Îdareyê Xoserî yê.

Berekatî vat: ''Eke nê endamê DAÎŞî zîndanan ra biremê têna seba Rojawanî nê seba pêro dinya tehluke virazîyeno. Rayaumûmîya mîyanneteweyîye heta nika vera nê hêrişan bêveng menda û gamêka stratejîke nêeşte. No seba pêro dinya tehluke yo. Hêzê mîyanneteweyî ganî meseleya DAÎŞî rê çareserîyêke bivînê. Wa nêzdîbîyayîşê demkî bêrê teriknayene û her welat hemwelatîyanê xo yê DAÎŞî bigêro.''