Hêzanê Sûrîyeya Demokratîke (QSD) bîlançoya teşrîna verêne ya sûcanê dewleta tirke yê vera Eyn Îsayî eşkera kerde.

Bîlanço wina ya:

''-5ê teşrîna verêne de dewleta tirke dewa El Hoşanî de wesayîtêko leşkerî kerd hedef û netîceya hêrişî de 4 leşkerê hêzanê Şamî birîndar bîyî.

-8ê teşrîna verêne de hêzanê ma cewab da xîretê ablûqa yê vera dewa El Selîbî û çalakîye de cergêk birîndar bi.

-9ê teşrîna verêne de de dewleta tirke ya îşxalkere dewa El-Hiwêce daye bombayan ver. Vera dewanê Girê Sipî, Eyn Îsayî, rayîrê M4î û dewanê Xalidîyê, Hoşan û Dibisî bombardumanî dewam kenê.

-10ê teşrîna verêne de dewleta tirke rayîrê M4î da bombayan ver.

-12ê teşrîna verêne de dewleta tirke rayîrê Eyn Îsayî de dikanêke kerde hedef û netîceya hêrişî de zerar resa mal û mulkanê sivîlan ser. Dewleta tirke depoyê genimî yê Mişêrfa, Îstasyonê Şerqîye, dewa Seyda û rayîrê M4î dayî bombayan ver.

-15ê teşrîna verêne de dewa El Hiwêce û dewa Um El Beramîlî dîyayî bombayan ver û bombarduman de zerar resa mal û mulkê dewijan ser.

-22ê teşrîna verêne de dewa Ebû Nîtawî û rayîrê M4î kerdî hedef.

-23ê teşrîna verêne de dewleta tirke dewa El-Tiruqî daye bombayan ver û netîceya bombardumanî de zerarê madîyî qewimîyayî.

-26ê teşrîna verêne de dewleta tirke depoyê genimî yê Mişêrfa, Îstasyonê Şerqiye û rayîrê M4î dayî bombayan ver.

-27ê teşrîna verêne de dewleta tirke ya îşxalkere dewa Seyda daye bombayan ver.

-30ê teşrîna verêne de dewleta tirke ya îşxalkere dewa El Hiwêce daye bombayan ver.

-31ê teşrîna verêne de dewleta tirke ya îşxalkere  dewa El Hiwêce daye bombayan ver.''