Hêzanê Asayîşê Zereyî yê Rojawanê derheqê Operasyonê Merdimîye û Asayîşî yo ke 28 adare de da despêkerdene de eşkerayîya çapemenîye daye.

Eşkerayîye  hetê Vervatoxê Pêroyî yê Hêzanê Asayîşê Zereyî Elî El-Hesenî ra ameye wendene.Vervatoxê Hêzanê Sûrîyeya Demokratîke (QSD) Gabrîel Kîno, Vervatoxê Yewînanê Pawitişê Şarî (YPG) Nûrî Mehmûd û Endama Fermandarîya Pêroyî ya Meclîsê Herêma Cizîre Evînare Dêrik tewrê eşkerayîye bîyî

Eşkerayîye de ame vatene ke ê goreyê pêkerdişanê ke heqanê merdiman ê mîyanneteweyî têgêrene û operasyon pê heme lezîya xo dewam keno.

Eşkerayîye de nê ameyî parekerdene: ''Hêzanê ma 28ê adare de pîya bi hêzanê QSD, YPG/YPJyî  Kampa Holî de  'Operasyonê Merdimîye û Asayîşî' da destpêkerdene. Bado ke çeteya kampe de hemwelatîyî qetil kerdî û dest pê xebatanê xo yê vilakerdişê fikranê xo kerd operasyon dîya destpêkerdene. Di rojanê peyênan de 5 berpirsîyarê hucreyan ke kampe de serebûtanê şîdet û terorî kenê tede 53 çeteyê DAÎŞî ameyî tepiştene. Reyna xeylêk telefon û bilgîsayarê ke zanayîşê derheqê terorîstan tede yê ameyî destfînayene. 5 hezar ra zafêr endamê ma tewrê operasyonî bîyî ke sere de domanî roniştoxanê kampe bipawê û fîkranê terorîstan ra bixesilnê. Heta ke kampe terorîstan ra bêro pakkerdene do operasyonê ma dewam bikero.''