Cenazaya Fermandarê YPGyî Koçero Batman (Hasan Demîrtaş)o ke netîceya hêrişê bi droneyê çekdarî yê dewleta tirke ya îşxalkere de şehîd bibi, bi tewrbîyayîşê bi hezaran roniştoxanê Kobanê ameye definkerdene. Bi hezaran roniştoxê herêma Firatî, endamê rêxistinanê komelê sivîlî û temsîlkarê partîyanê sîyasîyan tewrê merasîmî bîyî.

Seba Ziranê Reş (Idnan Hemo)o ke 22yê êlule de hêrişanê artêşa tirke de koyan de şehîd bibi, merasîmê definkerdişî ame kerdene.

Merasîm de fermandaranê QSDyî ra Şoreş Hesenî qisey kerd û vat: ''Wa dewleta tirke baş bizana ke se beno wa bibo îradeyê ma do bin nêkewo. Ganî şarê herême vera dewleta tirke ya îşxalkere têkoşînê xo geş bikero.''

Hemsereka Meclîsê Keyeyanê Şehîdan ê Herêma Firatî Eyşe Efendî bale ante azadîya Rayberê Şarê Kurdî ser û vat: ''Azadîya ma cayo ke tede Rayber Apo est o, de est a. Ma soz danê ke rêçê şehîdan de şorê.''

Dima ke wesîqaya şehadetî teslîmê keyeyî bi, cenaza Goristanê Şehîde Dîcle yê Kobanê de ameye definkerdene.