Sûrîye û Rojawan de cergê dewleta tirke ya îşxalkerî kewtî pê. Goreyê agahîyan nê pêkewtişan de 60 cergî kişîyayê.

Cergê Heyet Tahrîr El Şam (HTŞ) û cergê bînî yê dewleta tirke kewenê pê û mîyanê hîrê serran de nê pêkewtişê tewr giranî yê.

Goreyê Keyeyê Çimdarîye yê Heqanê Merdiman ê Sûrîye nê şeran de 28 cergê HTŞyî, 20 cergê bînî û 10 sivîlî merdî.

Goreyê xeberêka AFPyî Tirkîya mudaxeleyê nê pêkewtişan nêkerdo. Dîya zanayene ke cerganê HTŞyî Efrîno ke binê îşxalê dewleta tirke de yo visto destî.

Serekê Keyeyê Çimdarîye Ramî Abdul Rahmanî vat: ''Bê destûrê Tirkîya HTŞ nêeşkayêne bikewo herême.''

Goreyê Keyeyê Çimdarîye mabênê cergan de peymanêke ameye îmzakerdene û goreyê na peymane HTŞ do Efrînî îdare bikero û herêmê sînorê Îdareyê Xoserî yê Rojawanî zî do destê HTŞyî de bibê.

Ame parekerdene ke peymane ra dima reyna pêkewtişî dest pêbîye û nêzdîyê Azaz de dewam kenê.