Dîfaa El Wetanî rojanê peyênan de pê provakasyonanê xo yê Qamişlo û Hesekê rojdem de yo. Dîfaa El Wetanî ronayîşê xo ra nata sûcanê şerî keno.

Dîfaa el Wetanî wextê Wisarê Ereban de hetê îstîxbaratê Sûrîye ra ame rêxistinkerdene. Dîfaa El Wetanî serra 2012î de bi hawayêkê fermî ronîya û şaristananê Şam û Heleb de paştî daye rejîmê Sûrîye. Dîfaa El Wetanî paştî dano Hêzê Qudusî yê Hîzbullahî û 40 hezar endamê ci estê.

2012, 2013, 2014 de cerganê Dîfaa Humus, Hama, Dera, Lazkiye, Şam û Heleb de sûcê şerî yê sey talan, tecawuz, cînayet, îşknece, remnayîş û fîdye kerdî. Cergê Dîfaa xeylêk şeran de zî hetê DAÎŞ, El Nusra û Îxwanî de ca girewt. Şerê Hesekê de zî înan vera YPG-YPJyî hetê DAÎŞî de ca girewt.

Goreyê zanayîşan zî rejîmê Şamî bi hawayêkê fermîyî cerganê Dîfaa El Wetanî fînanse keno.

Dima ke Dîfaa El Wetanî Hesekê û Qamişlo de dest pê provakasyonan kerd Hêzanê Asayîşê Zereyî asayîşê tax û dormeyî zêdîna. Îdareyê Xoserî yê Rojawanî zî derheqê provakasyonanê Dîfaa El Wetanî de Rûsya û rejîmê Şamî hîşyar kerd.