Cinîyan venga PDKyî da: Dişmenîya vera Têgêrayîşê Azadîye war verde
Endamanê Kongreya Starî îxanetê PDKyî yê vera kurdan pê rayraşîyayîşêkî Sêmalka de protesto kerd. Cinîyan venga PDKyî da ke cenazayê şehîdanê Xelîfanî teslîm bikero.
Çalakîya xeyme ya Meclîsê Keyeyanê Şehîdan ê Herêma Cizîrî roja 6. de verê Berê Sinorî yê Sêmalka de dewam kena.
Endamanê Kongreya Starî, endamanê komîteyanê ekonomî û bi seyan merdiman îxanetê PDKyî yê vera kurdan pê rayraşîyayîşêkî Sêmalka de protesto kerd.
Cinîyan venga PDKyî da ke cenazayê gerîlayanê ke Xelîfan de şehîd kerdê teslîm bikero. Vervatoxa Kongreya Starî Remzîye Mihemed çalakîya xeyme de qiset kerd û ard ziwan ke gerîlayî domanê Kurdîstanî yê û armancê înan pawitişê kurdan o.
Remzîye Mihemed bale ante ser ke çalakîya xeyme heta ke cenazayî bêrê teslîmkerdene do dewam bikera û venga PDKyî da ke dişmenîya vera Têgêrayîşê Azadîye war verdo.
