Cinîyanê Efrînî derheqê serrgêra 30. ya şehadetê Bêrîtane (Gulnaze Karataş) qisey kerd. 

Endama Kongreya Starî ya Kampa Serdemî ya Şehba Hesna Hesen ard ziwan ke şehadetê Bêrîtane pêro cinîyan rê erk o û vat: ''Coka teqîbê xeta Şehîde Bêrîtane seba her cinîye fîraz o. Xêrê  kesayetanê sey Şehîde Bêrîtane, Şehîde Sema, Şehîde Zîlane û gelek şehîdan ra ke serkêşîya na dewe kerda, ewro cinîyî xo şinasnenê û têgêrayîşê cinîyan ronîya. Vera cinîyan ê kurdan planê dişmenî dewam kenê la cinîyî do nê planî zî pê têkoşînê xo pûç bikerê. Îxanetê PDKyî ewro zî dewam keno. Ganî şarê kurdî bizano ke şero taybet ê dişmenî çita yo. Coka ma sey cinîyanê Efrînî do tim rêçê şehîdan de şorê û hêvîyanê şehîdan bîyarê ca.''

Endama Kongreya Starî Yesmîne Qadir vat: ''Ma sey cinîyan do tim xeta şehîde Bêrîtane de şorê. Çunke şehîde Bêrîtane teslîmkarî û xayînîye qebul nêkerde û seba pawitişê xeta azadîya cinîyan û şehîdan ganê xo feda kerd. Ma sey cinîyanê Efrînî do xo biresnê pêro cinîyan ke xeta cinîya azade û raştîya dişmenî  bişinasnê û xeta şehîdan bipawê.''