Dewleta tirke sibata 2021î de Garê de, dima zî Zap, Avaşîn û Metîna de vera gerîlayan dest pê hêrişan kerd û gerîla Mazlûm Qamişlo zî nê hêrişan de şehîd bi. Mazlûm Qamişlo (Raman Şêxmûs) destpêkê Şorişê Rojawanî de 2015 de tewrê şorişî bi, vera DAÎŞî şer kerd û uca ra zî 2017 de tewrê gerîlayan bi.

Mazlûm Qamişlo 2020 de derbazê herêma Heftanînî bi û 11ê sibata 2022yî de zî Heftanîn de şehîd bi. Dadîya Mazlûmî Salîha Derwîş û babîyê ci Şêxmûsî ANFyî rê qala lajê xo kerde. 

Salîha Derwîş pare kerd ke keye de her kes Mazlûmî ra zaf hes kerdêne û vat: ''Mazlûm bêxatir keyeyî ra şi. Ma ci rê telefon kerd, vat ke o resayo embazan, wa ma meraq nêkerê. Mi zî vat wa rayîrê ci akerde bo. Şehadetê ey ra verî sibate de, o tim sey birîndarî kewtêne hewnê mi. Zerrîya dadî ya. Mi hîs kerd, dima xora xebera şehadetî ameye.''

Babî Şêxmûsî vat: ''Mazlûm perwerê neteweya xo bi, tede hişmendîya kurdayetîye bi. O bi şîîranê Cîgerxwînî pîl bi. Ey bi taybetî tim şîîra  'Em Kurd in, serbilind in' wendêne. Gerîlayanê ma ra nêbîyêne Şingal azad nêbîyayêne, Kerkûk û Hewlêr azad nêbîyayêne. Heta ke ez weş biba ez ne lajê xo ne zî gerîlayanê bînan nêdana vîrakerdene. Sereyê ma tim sereberz o. Lajê mi seba şarê kurdî têkoşîn kerd, na dewa de ganê xo da.''