Fermandarîya Pêroyî ya YPGyî da zanayene ke dewleta tirke ya îşxalkere  pê droneyanê çekdaran hêrişê Kobanê kerd û netîceya nê hêrişî de fermandar Koçero Batman (Hasan Demirtaş) şehîd bi.

Eşkerayîya YPGyî wina ya:

‘’Hemrayê ma Koçero serra  1983 de bajarê Êlihî yê Vakûrê Kurdîstanî de yeno dinya û keyeyêkê welatperwerî de beno pîl. Hemrayê ma Koçero seba ke qesasê şarê xo dişmenî ra bigero serranê xo yê ciwanan de tewrê xebatanê şorişgêran beno. Dima ra 2001 de tewrê sefanê Têgêrayîşê Azadîye beno. Wextê hêrişê DAÎŞî de ravêreno Kobanê û sey fermandarêkê şorişgêrî  şarê xo paweno. Badê têkoşînê Kobanê hemleyanê Reqa, Minbic, Eyn Îsa û Tebqa de sey fermanarêkê jîhatî ca geno û heta serkewtişî şer keno. Nê têkoşînan û hemleyan de xeylêk rey birîndar beno.  Wextanê tewr zehmetan de pê coşê pîlî û heyacanî xebate keno.  Bi fermandarîye û şerwanîya xo tim beno nimûne. Ma şexsê hemrayê xo Koçeroyî de heme şehîdanê xo yê qehremanan bihurmet yad kenê û sozê serkewtişî newe kenê. Wa sereyê keyeyê ejîyayeyî yê şehîdê ma û şarê ma  weş bo.’’

Nameyê Qodî: Koçero Batman

Name û Peyname: Hasan Demirtaş

Nameyê Maye: Aycan

Nameyê Pîyî: Ahmet

Tarîx û Cayê Bîyayîşî: Êlih - 1983