Vervatoxê Meclîsê Leşkerî yê Minbicî Şervan Derwêşî vat: ''Hemleya Minbicî ra dima her kesî pê bawer kerd ke cayê bînî zî eşkenê DAÎŞî ra bêrê xelisnayene. DAÎŞ Kobanê de şikîya Minbic de ver bi qedîyayîşî şi.''
Bi wesîleya serrgêra pancine ya hemleya azadkerdişê Minbicî Vervatoxê Meclîsê Leşkerî yê Minbicî Şervan Derwêşî ANFyî rê qisey kerd.
Qseykerdişê Derwêşî ra beşêk wina yo:
''Teşrîna verêne ya 2015î de QSD ame awankerdene. Dima hemleya azadkerdişê Minbicî dest pêkerde. Kobanê ra dima dore amebî azadîya Minbicî. Şehîd Ebû Leyla û Şehîd Ebû Emcetî seba azadkerdişî rolî girewtî xo milî. Înan Încîrlîk de koalîsyonê mîyanneteweyî reyde nameyê QSDyî ser o pêvînayîş kerd. Dewleta tirke waşt astengîye bikera la dima neçare mende ke hemle qebul bikera.
Nîsana 2016î de Meclîsê Leşkerî yê Minbicî ame awankerdene û 1ê hezîrana 2016î de Hemleya Minbicî dest pêkerde. Wexto ke ma resayî awbendê Tişrînî bi desan ciwanê Minbicî tewrê hêzanê ma bîyî. Hemle 75 rojan dewam kerde. Ma ser kewtî. Minbic bi mîsal. DAÎŞ Kobanê de şikîya la destpêkê çinbîyayîşê ci Minbic bi.
Meclîso leşkerî yê Minbicî pê hetkarîya QSDyî ronîya la tecrubeyê ma zî estbîyî. YPG û YPJ dima ke ma rê hetkarîye kerd xelisîyayîşê Minbicî ra dima şîyî. Keda înan qetî vîr a nêşina. Înan bi seyan şehîdî dayî. ''
