Nêrazîbîyayîşê vera hemkarîya PDK-Tirkîya dewam kenê. Şerwana YPJ Delale Soran derheqê mesele de ANFyî rê qisey kerd.

Delale vat: ''PDK pê kerdişanê xo îşxalê dewleta tirke tesdîq keno. Ganî şarê ma vera nê kerdişan şîyar bibo.  Serebûtê ke Başûrê Kurdîstanî de qewimîyenê hemkarîya PDK û dewleta tirke mojnenê. Şêx Mehmûd Berzencî ra heta ewro tarîx de dewleta tirke qet nêverda ke kurdî bibê wayîrê statuyî.  PDK vano o ho şarê Kurdîstanî û erdê xo paweno. La wextê şerê Heftanîn û Kerkûkî de eşkera bi ke kamî Başûr baweno. Dewleta tirke têna hêrişê Başûrî nê hêrişê pêro parçeyanê Kurdîstanî kena. Ganî şarê ma hemkarîya îşxalkeran û qirkerdişî nêkero û nêrazîbîyayîşê xo bi xurtî bimojno. Ma zanenê ke dişmen her tim xîret keno ke kurdan pê destê kurdan çin bikero. Coka ganî PDK bêro xeta neteweyîye ser.''

Şerwana YPJ Delale Soran venga Başûrê Kurdîstanî da û vat: ''Wa şarê ma îşxal û hêrişanê vera Başûrî qebul nêkero û vera nînan wurzo payan ser. Ez sey kênaya silêmanîyeyîje û kênaya keyeyêkê YNKgîrî venga şarê Başûrî dana ke wa yewîya xo bîyaro ca.''