Rêxistina Heqanê Merdiman a Efrîn-Sûrîye pare kerd ke cergê bi nameyê Nuredîn El-Zinkî yê pabesteyê artêşa tirke qezaya Cindirêsî de taxêka roniştoxan bi 25 hezar dolaran rote cerganê Ehrar El-Şerqîya. Cerganê Ekrar El-Şerqîya roniştoxan rê vat ke wa keyeyanê xo veng bikerê.

Rêxistine bale ante ser ke îşxalê dewleta tirke Efrîn de bi plananê kolonyalîzmî dewam keno. Rêxistine eşkera kerd ke tirkmenî hetê dewleta tirke ra Efrîn de yenê cakerdene û bi nê hawayî demografîya herême yena vurnayene. Rêxistine ard ziwan ke dewleta tirke Efrînî ra heta qezaya Şêrawa seba cergan kampan virazena.

Hetê bînî ra Rêxistina Heqanê Merdiman da eşnawitene ke qezaya Şîyê ya Efrînî de 3 kurdê sivîlî hetê MÎTî ra ameyî remnayene û aqibetê înan nêzanîyeno. Nameyê sivîlan wina yê: Xelîl Menan Seydo (45), Kamîran Xelîl Seydo (22) û Ferdî Xelîl Seydo (40).