Dima ke Efrîn hetê dewleta tirke û cerganê ci ra ame îşxalkerdene, 6 dewê Şêrawa Birc, El Qas, Zirn'ît Meyasê, Kilotê, Mezin û Başemrê binê ablûqa de mendî. Bajarekê Nûbilî û Zehra zî hedefê bombardumanê dewleta tirke de yo. Nûbil de cergî sivîlan remnenê.

Hemserekê Meclîsê Dewa Biric El Qasî Hisên Hemoyî derheqê mesele de qisey kerd û vat: ''Tîya de nêzdîyê 5.500 dewî estê. Dewleta tirke her roje înan ser o bombayan varnena. Heta nika 2 sivîlî merdî. Ma venga dezgehan ê mîyanneteweyîyan danê ke vera îşxalê dewleta tirke wurzê payan ser.''

Roniştoxan zî vat: ''Wesayîtê dewijan yenê remnayene. Îmkanê karî çin ê.'' Dewijan venga selahîyetdaran da ke îmkananê karî biafernê.